Удмурт нылпиос анай кылынызы усто гожъясько

Соин Бадӟым Качакысь егит гожъяськись, «Ошмес» газетлэн корреспондентэз Венера Ильбаева кивалтӥз.Нырысь со пиналъёсты журналистикалэн жанръёсыныз тодматӥз. Нош
собере пинал гожъяськисьёслы нылпи творчествоя фестиваль сярысь гожтыны ӵектӥз. Заметкаязы интервью жанрез но кутыны, пе, быгатозы. Вылысь Татышлыысь кыкетӥ номеро школаысь Ксения Зиятова та ласянь трослы азьпала вамыштӥз. Со фестиваль сярысь видеоролик дасяны малпаз. Но, жаляса верано, творческой мастерскойёслы ӧжыт дыр висъяськемен, со ужзэ йылаз-пумаз вуттыны ӧз вутскы. Озьы ке но видеороликез туж тунсыко но пайдаё пӧрмиз. Таяз мастерскойын Выль Татышлы школаысь Валерьяна Мусакаева тужгес чебер заметка гожтӥз. Мастерскоен кивалтӥсь солы нырысетӥ инты сётӥз.