Нылпи творчествоя фестивале удмурт школаосысь нылпиосты пумитазы

Туэ со Татышлы ёросысь Улысь Балтач школаын ортчиз. Отчы Татышлы, Калтасы, Янаул ёросъёсысь удмурт школаосын дышетскисьёс пыриськизы. Огъя 11 команда люкаськиз. Фестивалез командаосын тодматскон но «Деловой шудон» усьтӥз. Отчы сизьым команда пыриськиз. Конкурсын кузёослы вуисьёс ӧз луэ – Улысь Балтач школаын но солэн Кызыл-Ярысь филиалаз дышетскисьёс ваньзылэсь трос балл люказы. Бӧрысь пиналъёсты куать пӧртэм мастерскойёсы вазизы: нылпиос тюльпан сяська лэсьтӥзы, кызьпу туен ужазы, гожъяськизы, монисто лэсьтӥзы, макраме амалэн ужазы, исследовательской ужъёссэс утизы. Мастерскойёсын вормисьёс данъян грамотаосын пусъемын.