Бадӟым Качаке тулыс вуиз

Ужрадэз ортчытыны куазь  удалтӥз. Ӵукнаысен, котыр улосэз мальдытыса, яркыт шунды пиштӥз. Нылпиослэн но мылкыдзы лӧптэмын вал. Соос «Блинчики» но «Солнышко» командаослы люкиськыса, пӧртэм тунсыко конкурсъёсын кужымзэс мерттазы.

Нош ужрадэз йылпумъяса но тулысэз пумитан праздниклэсь йылолзэ пусйыса,  ваньзы ӵош сульдэрез ӝуатӥзы. Табере Бадӟым Качакысь нылпиос понна зэмос тулыс вуиз!