Нефтекамскын удмурт культурая нуналъёс азинтӥсько

Городысь «Выжы-кум» ансамбль трос пӧртэм ужрадъёсы пыриське. Та нуналъёсы, кылсярысь, соос нылпи садэ ветлӥсь пиналъёсын пумиськылӥзы. Нылкышноос пичыльтокъёсты удмурт калык кырӟанъёсын но шудонъёсын тодматӥзы. Со сяна, одӥгаз нуналэ соос национально-культурной огазеяськонъёслэн центразы италмас сяська лэсьтонъя мастер-классэ люкаськизы. Татын соос киужен выризы, кырӟазы, италмас сярысь мадёсэз тодазы ваизы.

Матысь дыре Нефтекамскысь удмуртъёс выльысь бадӟым ужрадэ люкаськозы. Татын «Мы – за мир на всей земле»  концерт ортчоз.