Вылысь Татышлыысь одӥгаз быръён участокын 1758 куара сётӥсьёсты витё

- Толон быръён участок ӧсъёссэ усьтэм бере куара сётыны трос адями вуиз. Нырысетӥ быръён нуналэ 718 адями куаразэ сётӥз, - вера избирательной участковой комиссилэн председателез Эльза Галиуллина. – Туннэ, 16-тӥ мартэ, быръён участок усьтӥськем бере одӥг час куспын 81 адями куара сётыны вуиз.

2933-тӥ номеро быръён участокын нырысьсэ быръёнъёсы пыриськисьёслэн лыдзы 24-лы ӵоша. «Соос пӧлысь куатез та дыре быръёнъёсы вуиз ни», - вера Эльза Лиратовна.

Туспуктэм вылын: Вылысь Татышлыысь Биктимировъёс.