Куара сётон яркыт тусо луиз

Бадӟым Качакын быръёнъёслэн нырысетӥ нуналаз ик  «Вӧй келян» йылол праздник ортчиз. Отчы гурт поселениысь трос калык люкаськиз. Татын одӥгез бадӟымез быръён участок Бадӟым Качакысь культура юртэ интыяськемын. Татын огъя куать сюлэсь трос адями куаразэ сётоз. Та вакытэ солэн 200-лэсь тросэз быръён участоке вуылӥз ни. «Культура юртын туннэ зэмзэ ик туж яркыт вал, - верало татын. – Куара сётонэ тросэз нылкышноос чебер удмурт дӥськутъёсынызы вуизы».