Кургакъёс эшъяськон мылкыдэнызы висъясько

Кургакъёс азьло дырысен одӥг семья сямен уло. Татын улӥсьёс шумпотонъёссэс но, куректонъёссэс но ӵошен люко. Угось пичи гуртын ог-огдэ валан но эшъяськон мылкыд туж юн шӧдӥське. Кылсярысь, кема ӧвӧл гуртысьтызы старостазылэн  О.Г. Галямшинлэн но Кургакысь арлыдоослэн огазеяськонэнызы кивалтӥсьсылэн Л.Б. Надыровлэн кичӧлтэмзыя, кургакъёс Герей шурлэсь ярдуръёссэс огазеясь «лӧйкась» выжзэс но жуг-жаг тырон контейнер котыръёссэс лымылэсь тазатыны люкаськизы. Ужрадэ потытэк кылись ӧз луы, дыр. Малпам ужзы шулдыр но капчи пӧрмиз. Калык огинэ кариськыса, вакытсэ шумпотыса но серекъяса ортчытӥз.

Источник: Совет ветеранов Калтасинского района