Бадӟым Качакын пельнянен куноялозы

15-тӥ мартэ качакъёслы трос куно пумитано луэ. Соин  гуртын улӥсьёс али ик ужрадэ дасясько ини. Кылсярысь, та часэ Бадӟым Качакысь культура юртэн кивалтӥсь А.А. Набиева дорын  «Зангари» калык ансамбле пыриськисьёс пельнянь пӧрало. Кышномуртъёслэн кылъёссыя, пельняньзы 3000-лэсь ятыр кутэмын луоз. «Вӧй келян» фестивальын та ческыт сиёнэз 300-лэсь трос куноос веръялозы.