Уфаын «Женщина – мать нации» конкурслы йылпумъян лэсьтӥзы

Нылкышноосты ӟечкыласа вераськизы БР-ысь Кун Собранилэн–Курултайлэн депутатэз, Башкир нылкышноослэн огазеяськонэнызы кивалтӥсь Гульнур Кульсарина но мукетъёс. Конкурсын вормисьёсты пӧртэм номинациосъя данъязы. Шумпотоно, финалозь вуэм нылкышноос пӧлын туэ трос удмуртъёс луизы шуыса. Та нуналэ дипломъёсын данъязы Янаул ёросысь Каймашабаш но Вуж Вараш школаосысь дышетӥсьёсты О. Р. Давлетоваез но А. А. Фаткуллинаез, Янаулысь шаплы удмурт кышномуртэз, волонтёрез Нина Бадырзяноваез, БР-ысь удмуртъёслэн национально-культурной центрзылэн Ермекей ёросысь филиалэныз кивалтӥсез А. Н. Вождаеваез, Татышлы ёросысь  Вылысь Татышлыысь нимысьтыз военной операциын бырыны шедем дано майорлэсь Ринат Гареевлэсь анайзэ Роза Гарееваез. Со сяна, ужрадын Роза Садрисламовналы Рабига Кушаева нимо «Женщина – мать нации» медаль сётӥзы.