Вуж Варашын Анай кыллэсь нуналзэ пусйизы

 21-тӥ феврале татчы Янаул ёросысь удмурт гуртъёсысь трос куноос люкаськизы. Нырысь соос «Родной язык – душа народа» литературной шудонэ пыриськизы. Отын куинь командаос анай кылзэс, калык культуразэс, сям-йылолъёссэс тодэмзэс возьматӥзы. Литературной шудонын «Тюрагай» команда вормисе потӥз, кыкетӥын – «Дыдык», куинетӥын – «Варыш». Анай кыллы сӥзем ужрад шулдыр концертэн азинтӥськиз. Нош ёросысь удмурт кылъя но литературая дышетӥсьёс котырес ӝӧк сьӧрын школаын анай кылэз дышетон сярысь вераськизы.Та нуналэ культура юртэ люкаськем калыкез Анай кыллэн нуналэныз ӟечкыласа Башкортостанысь удмуртъёслэн национально-культурной центрзылэн Янаул ёросысь филиалэныз кивалтӥсь Ю. С. Саитов но Вуж Вараш гурт поселенилэн администрациеныз кивалтӥсь Э. М. Минликузина вераськизы. Ужрад сярысь пыр-почгес лыдӟыны быгатоды газетмылэн вуоно номерысьтыз.