Ӵошен ортчем сюрессы 52 арлы ӵоша

«Гуртлэн улоназ азинлыко пыриськись эшеным Лилия Галякбароваен одӥг ӝытэ Нуриев кузпалъёс доры вуылӥм, - гожтэ З. Гареева. – Роза Атнагуловнаен Галимзян Алексеевич 52 ар ини улон сюрес кузя артэ вамышто. Арлыдо кузпалъёс – куать нылпиоссылэн анай-атайзы. туннэ соосты 14 внукъёссы но 8 правнукъёссы шумпотто. Соос пӧртэм интыосын уло. Бадӟым нылзылэн пиез нимысьтыз военной операцие пыриське. кыкетӥ нылзылэн пиез но контракт амалэн служить каре. «Со но СВО-е вуылӥз», - шуо Нуриевъёс. Ческыт чай юон куспын кузпалъёслэн улэм-вылэмзы, тунсыкъяськонъёссы, сюлмаськонъёссы сярысь тодӥм. Соос егит дырзэс, семья кылдытэм вакытсэс, бадӟым улон сюресэ вамыштэмзэс тодазы ваизы. Нуриевъёслэн ужан аръёссы гурт хозяйствоен герӟаськемын, соос парсь утён, сюро пудо вордон ӧрын ужаллям. Ӝыны даурлэсь кема ӵош улэм арлыдо кузпалъёслэн улон сюрессы мукетъёслы адӟем карымон луэ».

Фото: соцсети Зульфира Гареева-Минляхметова