Ижевскын Герд лыдӟонъёс ортчизы

 Туэ удмурт азьветлӥсьлэн, кун но мер удысчилэн, кылбурчилэн но публицистлэн вордӥськемез дырысен 140 ар тырмиз.Герд лыдӟонъёсы Россилэн пӧртэм сэрегъёсысьтыз делегациос вуизы. Ужрадэ Башкортостан Республикаысь удмуртъёслэн национально-культурной центренызы кивалтӥсь Л. Л. Зидымаков но огазеяськонлэн Кенешезлэн ёзчиез Р. Р. Галямшин пыриськизы.  

Герд лыдӟонъёсын Максим Прокопьевлэн улон сюресэз но кунлыкез кылдытонын лэсьтэм вамышъёсыз сярысь докладъёс чузъяськизы, солэсь удмурт литератураын образзэ, кылбурет дуннезэ усьтӥзы, мукет азьветлӥсьёсын кусып воземез сярысь вераськизы.

Асьмелэн улосчимы, удмурт гожъяськись, журналист, Россиысь гожъяськисьёслэн огазеяськонзылэн ёзчиез Ульфат Бадретдинов "Нимыз калыке мед берытскоз" нимо докладаз М. Прокопьевлэсь К. Гердэн, К. Яковлевен но мукет азьветлӥсьёсын кусып воземзы сярысь вераськиз, азьветлӥсьёслэсь нимъёссэс калыке берыктон ужлэсь мынэмзэ пусйиз.

Туспуктэмез М. Егоровлэн.