Шаерамы «ИнформУИК» проект ужзэ мытӥз

Быръёнъёслы сӥзем проектэз РФ-ысь ЦИК ӵектӥз. Со улсын участокысь быръён комиссилэн ёзчиосыз – обходчикъёс – 2024-тӥ арысь 17-тӥ тулыспалысен 7-тӥ южтолэзёзь бырйисьёс доры вуылозы, городъёсын но гуртъёсын улӥсьёслы Россилы Президент быръён сярысь вералозы, куара сётон амалъёсын тодматозы, кылдэм юанъёссылы валэктонъёс сётозы.

Кызьы тодмано обходчикез? Со тӧдьы тусо накидка-манишкаен луоз, бордаз быръёнъёс сярысь гожтэмез вань. Солэн чагыр тусо сумка-шоперез, нагрудной знакез, интыысь избиркомлэн ёзчиез луэмзэ возьматӥсь удостоверениез, «ИнформУИК» приложениен телефонэз, информационной лифлетэз но регистрация ортчем кандидатъёс сярысь информациен листовкаез луыны кулэ.

- «ИнформУИК» проектэ пыриськисьёс ужазы куто нимысьтыз мобильной приложениез, кытчы пусйисько анкетированилэн юанъёсызлы сётэм валэктонъёс. Со калыкез лыдъян-чотан амал выллем ортче, - вера Башкортостанысь ЦИК-ен кивалтӥсьлэн воштӥсез Марат Гадилов. – Обходчикъёслы, бырйисьёс доры вуыса, агитация ортчытыны уг яра. Республикаын улӥсьёслы куронэн вазиськисько, обходчикъёслы ужаны луонлык мед сётозы, доразы вуисьёсын вераськыны дырзэс мед висъялозы шуыса.

Проектэ Бурай ёросысь Алтау гуртысь Марина Гафутдинова (туспуктэм вылын паллянысез) но пыриське. 

Фото: Кузбаевский сельсовет Бураевского района