Благотворительной концертъёс азинтӥсько

17-тӥ феврале Вуж Шагиртысь культура юрт трос калыкен тырмемын вал. Та нуналэ отчы Пермь шаерысь но Башкортостан Республикаысь фольклор ансамбльёс но кырӟась-эктӥсьёс люкаськизы. Нимысьтыз военной операцие пыриськисьёслы юрттэт возьматон вылысь удмурт коллективъёс та выллем ужрадэ нырысьсэ уг пырисько ни. Благотворительной концертъёс Башкортостанысь Калтасы, Татышлы, Янаул ёросъёсысь гуртъёсын но радъяськизы.

Вуж Шагиртысь культура юртлэн сцена вылаз Пермь шаерысь Бадӟым Гондыр, Вуж Шагирт, Гожан, Кипчак, Кирга, Ошъя, Урада гуртъёсысь  но Башкортостан  Республикаысь Татышлы ёросысь Кальмиярысь но Янаул ёросысь Вуж Варяш но Шудек гуртысь ансамбльёс шулдыр концерт возьматӥзы. Со сяна, Янаул ёросысь арганчиос Александр Ахмадуллин но Леонид Хазипов учкисьёслы шулдыр гуръёссэс кузьмазы.

Концертын поттэм коньдон нимысьтыз военной операцие пыриськисьёслы юрттэт луоз.

Фото: Старошагиртский дом культуры