Ческыт перепечъёс пӧрмизы

Бадӟым Гондырысь культура юртын ужасьёс куинетӥ-куатетӥ классъёсын дышетскись нылпиос понна «Родной язык – душа народа» вордскем кыллэн калыккуспо нуналэзлы сӥзем ужрад ортчытӥзы. Со сяна, та нуналэ дышетскисьёслы «Удмурт перепеч» тунсыко мастер-класс дасямын вал. Ф.С.Гарифуллина нылпиосты перепеч пыжонлэн радлыкеныз тодматӥз. Берло пиналъёс асьсэос но удмурт сиёнэз пӧрмытӥзы.

Ужрадзы ческыт перепечъёсын чай юонэн йылпумъяськиз.

Фото: Большегондырский Дом Культуры