Афган ожлэн тылгизьыез…

Солы сӥзьыса, Янаул ёросысь Максим гуртысь культура юртын ужрад ортчытӥзы. Отчы воинъёс-интернационалистъёс но пыриськизы.

Ужрадэз усьтыса вераськиз Максим гурт поселенилэн администрациеныз кивалтӥсь Альмир Хузин. Бӧрысь кыл сётӥзы афган ож пыр потэмъёслы. Соос адӟем учыръёссы, ӵош служить карем эшъёссы, командиръёссы сярысь мадизы, вордскем шаерзэс гажамзы, матысьёссы сярысь веразы. Жаляса тодазы ваизы ож лудын бырем эшъёссэс. Ужрадэ лыктэмъёс соослэн веранъёсысьтызы валазы, афган ожмаськон соослэн малпанъёсазы котьку улэ, лулпушсэс висьытэ шуыса.

Максим гуртысь школаын дышетскисьёс ужрадын литературно-музыкальной номеръёс возьматӥзы. Ужрадлэн кыкетӥ люкетэз школаысь музейын ортчиз. Музей афган ожын бырыны шедем Д. Кашаповлэсь нимзэ нуллэ. Ужрад геройлыко бырем Д. Кашаповлэн мемориал пул азяз, шай вылаз сяськаос пононэн йылпумъяськиз.

Фото: Максимовский Сдк