Нылпиос кырын шудӥзы

Калмиярысь библиотекарь Татьяна Шарафутдинова гуртысьтызы нылпи садэ ветлӥсь пиналъёс доры ӵем гинэ куное вуылэ. Нылпиос но сое котьку шумпотыса пумитало. Угось библиотекарь соосын котьку но тунсыко шудонъёс ортчытъя.

Нош туннэ пичильтокъёс асьсэос библиотекарь доры куное вуизы. Татьяна Шарафутдинова нылпи садысь визьдонасьёсын Сазида Миниахметоваен но Марина Арслановаен ӵош нылпиосыз кырын шудытӥзы. Пичильтокъёс понна «Выбирай спорт! Выбирай здоровье!» ужрад ортчиз. Пиналъёс тупен, обручен но тюбинген эстафетаосты потӥзы, бызыьылӥзы, тэтчазы.

Ужрад нылпиослы капчи мылкыд но выль кужым сётӥз. Азьпалан но пиналъёс  спортэн эшъяськыны кыл сётӥзы.

Фото: Библиотека Села-Старокальмиярово