-9 °С
Салкым
Антитеррор
Вань иворъёс
Общество
7 февраль , 14:12

Валтӥсь ужпум - сюресэз тупатон

Толшор толэзьлэн берпуметӥ нуналаз Янаул ёросысь Наняды гуртысь клубе трос калык люкаськиз. Татын «Программа поддержки местных инициатив» проектэ пыриськон сярысь берпуметӥез кенешон ортчиз.

Валтӥсь ужпум - сюресэз тупатон
Валтӥсь ужпум - сюресэз тупатон

Нанядыос нырысетӥ кенешонъёсын трос пӧртэм сюлмаськонъёссы сярысь веразы. Но берло соос ваньзы огкылысь «Текущий ремонт автомобильной дороги деревни Наняды Староваряшского сельского поселения муниципального района Янаульский район» проект понна куаразэс сётӥзы. Ёросысь гуртъёсын дасям проектъёс пӧлысь со одӥгез бадӟымез луоз. Сюрес лэсьтон понна республикалэсь 1 млн 200 сюрс манет коньдон куромы. Со сяна, гурт калыклэсь, спонсоръёслэсь коньдон люкаломы. Проектэз йылаз-пумаз вуттон огъя кык миллион манетлэсь дуногес луоз. Валаськомы, лыдпус пичи ӧвӧл. Проект вормисьёс пӧлы потӥз ке, Нанядыын улӥсь котькуд семья 4800 манет коньдон сётоно луоз. Юрттэт возьматозы спонсоръёс но. Собере ӵошен быдэстэм ужлэн емышез понна аръёс ӵоже шумпотыса уломы. Ужлэсь быдэстӥськемзэ вить адямилэсь сылӥсь инициативной группа эскероз. Кенешонын программалэн туала вакытэ кулэлыкез сярысь вераз ёрос администрацилэн Кенешысьтыз депутат Р. Э. Идиятуллин.

Эльза Минликузина, Вуж Вараш гурт поселенилэн администрациеныз кивалтӥсь.

Автор:Марина Николаева
Читайте нас в