Котькуд семья – гуртлэн историез

Калтасы ёросысь Бадӟым Туганеево гуртысь Фарида но Геннадий Мингареевъёслэн семьяенызы тодмаэ Бадӟым Туганеевоысь Ветеранъёслэн кенешенызы кивалтӥсь Зульфира Гареева.  

Фарида Гарифуловналэн ужан аръёсыз школаын ортчизы. Нылпиосын ужан мылкыдыз солэн пичи дырысеныз ик пуромем. Бурай ёросысь Алтау гуртын вордӥськыса будэм егит ныл, школазэ йылпумъяса, Благовещенскысь педучилищее дышетскыны пырем. Ньыль арскын со, кияз диплом басьтыса, вордскем гуртаз ужаны бертэм, покчи классъёсты дышетэм, Бирскысь пединститутын заочно дышетскем.

Дас куинь ар ужамез бере, Фарида Гарифуловнаез улон сюресэз Бадӟым Туганеевое вуттӥз. Татын но со уж сюрессэ нылпиослэн дуннеенызы герӟаз. Бускель Тюльди гуртысь шор ёзо школаын ӟуч, удмурт кылъёсъя но урокъёсты нуиз. Дышетӥсь котькуд нунал уж дураз шумпотыса вамышъям. Выль тодон-валан басьтэм нылпиослэсь шудо синъёссэс адӟыса, солэн ужаны мылкыдыз эшшо но бурдъяськем. Быръем удысэзлы Ф. Мингареева улонэзлэсь 33 арзэ сӥзиз. Пенсие со Бадӟым Туганеевоысь покчи классъем школаысен потӥз.

Дышетэм пиналъёсыз Фарида Гарифуловна сярысь шуныт кылъёсын вазисько. Солэн урокъёсаз басьтэм тодон-валанзы улоназы туж юртто шуыса пусъё.

Фарида Гарифуловна кузпалыныз Геннадий Ахметбаевичен кык нылпиоссылы улон кузьмазы, соосты визьнодаса, бадӟым улон сюресэ поттӥзы. Фарида Гарифулловна туж шумпотэ, нылзы солэн пытьытӥз вамыштӥз. Инна Нефтекамскысь 38-тӥ нгмеро нылпи садын логопед луыса ужа.

Мингареев кузпалъёсты гуртын ортчись ужрадъёсысь ӵем пумитаны луэ. Соос гуртлэн улоназ мыло-кыдо пырисько, ужрадъёс дыръя быгатэмзыя юрттэт возьмато.

Фото: Зульфира Гареева-Минляхметова