-11 °С
Салкым
Антитеррор
Вань иворъёс
Общество
7 февраль , 22:49

Библиотека пичи лыдӟисьёсты люказ

Янаул ёросысь Вуж Варяш гуртысь модельной библиотекаын тунсыко  ужрад радъяськиз.

Библиотека пичи лыдӟисьёсты люказ
Библиотека пичи лыдӟисьёсты люказ

Арлы быдэ нырысетӥ классын дышетскисьёс Букварь книгазэс «келяса», дышетсконлэн выль тубатаз пото. Али гинэ букваен тодматскыны кутскем нылпиос, рос-прос лыдӟыны но пӧрмыто ини. Пиналъёслэн выль быгонлыксылы дышетӥсьсы гинэ ӧвӧл, гуртысьтызы библиотекарьзы но шумпотэ. Угось М.Е. Хисамутдиновалэн лыдӟисьёсызлэн лыдзы будэ.

7-тӥ январе нырысетӥ классын дышетскисьёсты библиотекаен тодматон но книгаосын эшъяськытон вылысь «А я теперь читатель» ужрад ортчиз. Нылпиос доры выжыкылысь геройёс но вуизы. Марина Евгеньевна Незнайкаен ӵош нылпиослы библиотекалэсь радлыксэ валэктӥз. Со сяна, Незнайка пӧртэм йыртӥянъёсын пиналъёслэсь йырвизьзэс сыназ. Нош Книгаослэн Королевазы дышетскисьёсты выль книгаосын тодматӥз, тунсыко кылбуръёс лыдӟиз.

Берло нылпиос доры Шапокляк песянай но вуиз. Со пиналъёсты йыртэманы дышетыны турттэ вал, нош пичильтокъёс солэсь ӧз кылзӥське, котьку шонер сюрестӥ гинэ ветлыны кыл сётӥзы.

Ужрадысь вань нылпиос капчи мылкыдын люкиськизы, доразы книгаосты кутӥзы, азьпалан но библиотекаен кусып возьыны вераськизы.

Фото: Староваряшская сельская модельная библиотека

 

Автор:Венера Ильбаева
Читайте нас в