Семьяос огинэ люкаськизы

5-тӥ феврале Янаул ёросысь Вуж Варяш школалэн спортзалаз, Семьялы сӥзем арез усьтыса, «Мама, папа, я — спортивная семья» конкурс ортчиз. Ужрадэ кык командаос пыриськизы. «Лучше всех» командаын Суфияровъёслэн, Набиуллинъёслэн, Рахимзяновъёслэн но Низамутдиновъёслэн семьяоссы кужымзэс мерттазы. Нош Минликузинъёслэн, Шаритдиновъёслэн, Шайкышевъёслэн, Назьмиевъёслэн семьяоссы «Суперсемейка» командае огазеяськизы.

Вуж Варяшысь библиотекаын ужась М.Е. Хисамутдинова ужрадэ пыриськисьёслы тунсыко но задор конкурсъёс дасяз. Анай-атайёс нылпиосынызы ӵош бызьылӥзы, тэтчазы. Со сяна, семьяос спортлы сӥзем викторинаын но йырвизьзэс сыназы.

Спорт ужрад ӟырдыт ӵошатсконлы пӧрмиз. Котькуд команда аслэсьтыз устолыксэ но быгатонлыкъёссэ возьматӥз. Озьы ке но, конкурслэн жюриез Россиысь Геройлэн Игорь Леонидович Насибуллинлэн анай-атайез ужрадысь вормисьёсты висъяны ӧз быгатэ. Та нуналэ эшъяськыса но ог-огдэ валаса улон вылӥын луизы.

Фото: Староваряшская сельская модельная библиотека