Нимысьтыз военной операцие пыриськись дышетскем школаяз вуылӥз

Вакчи отпуске бертэм ожгарчи аслаз дышетскем школаяз вуылӥз. Гуртоенызы пумиськонэ пыриськизы школалэн директорез Владислав Мухаметшин, классэн кивалтӥсьёс но дышетскисьёс. Шаермес утисьлы пиналъёс юанъёсынызы вазиськизы. Военнослужащей соослы валэктонъёс сётӥз. Со вераз, пичи дырысеныз военной киноосты учкыны яратэмез сярысь. Соос ик дышетӥллям сое шаерез гажаны, фашизмлы пумит луыны. «Интернетын «жуг-жаг» трос пумиське. Соин зэмлык сярысь вераны тыршоно, пиналъёслы зэм учыръёс сярысь мадёно, - вераз пумиськонэ лыктэм ожгарчи. – Мон оскисько, азьпалан шыпыт улон луоз шуыса. Но кышкытлык ке кылдӥз, шаерез утисьёслэн радазы кышкатэк султоно. Песятай-ӵужатайёсмы озьы ик нюръяськиллям асьмелэн шудо улонмы понна».

Нимысьтыз военной операцие пыриськись пусйиз, соослы ожын  матысьёссылэн, гуртооссылэн юрттэт возьматон сярысь  сюлмаськемзы туж бадӟым юрттэт луэ шуыса. Нош школаысь гожтэтъёс соослы кужым, пе, сёто. Пиналъёслэсь гожтэтъёссс соос талисманэз выллем утьыса возё.  

Фото: МБОУ ООШ с.Шудек