Арлыдо кузпалъёсты ӟечкылазы

Соос пӧлын луиз Вуж Варашысь Низамутдиновъёслэн семьязы. «Фанура Мензаировна но Фатихзян Зиятдинович ӝыны даур ӵоже артэ вамышъяло. Соос куинь пиоссэс визьнодаса будэтӥзы, бадӟым улон сюрес вылэ султытӥзы. Та дыре нылпиоссы асьсэлэн семьяосынызы уло ни. Арлыдо кузпалъёс – шудоесь песяй-песятайёс. Гажано гуртоосмес 50 ар ӵошен улэменызы ӟечкыласьком, юн тазалык, шудбур, кузь гумыр сӥзиськом. Куспады котьку мед луоз яратон, ог-огдэ гажан но тупаса улон», - гожтэ вотэс бамаз Вуж Вараш гурт поселенилэн администрациеныз кивалтӥсь Эльза Минликузина.

Фото: Эльза Минликузина