Качакъёс удмурт шудонъёсы пыриськизы

Та выллем проект улсын ёросысь гуртъёсын пӧртэм тунсыко ужрадъёс ортчо. Кылсярысь, туннэ, 3-тӥ феврале, Бадӟым Качак гуртысь культура юртын ужасьёс калык понна удмурт шудонъёс ортчытӥзы. 

Кышномуртъёс мылысь-кыдысь кутэн тэтчазы, шарака бичазы, бригадир лэзьыса шудӥзы. Ужрад удмурт кырӟанъёстэк ӧз ортчы. Нош бызьылыса но тэтчаса шудэмзы бере, ваньзы серекъяса но вераськыса чай юизы.