Байшадыос конкурсэ пыриськизы

Январьлэн берпуметӥ нуналаз Бурайысь многофункциональной клубын «Всё начинается с семьи» ужрад ортчиз. Отчы Байшадыысь Резеда но Алексей Шагиевъёслэн семьязы но пыриськиз.

Ужрадэз радъясьёс семьяослы пӧртэм конкурсъёс, шудонъёс , викторинаос  но мастер-классъёс ортчытъязы. Нош ёросысь культура юртын ужасьёс но фольклор ансамбльёс люкаськемъёслы шудлыр концерт возьматӥзы.

Ужрадлэн йылпумъянъёсызъя, Шагиевъёслэн семьязы кинотеатре бушен пырыны сертификатлы кузё луизы.

Фото: Байшадинский сельский клуб