+28 °С
Салкым
Общество
30 январь 2024, 16:44
Бадӟым Качаке куноос люкаськозы
2-тӥ тулыспалэ Калтасы ёросысь Бадӟым Качак гуртын бадӟым благотворительной концерт ортчоз. Ужрад нимысьтыз военной операцие пыриськисьёслы юрттэт сётон вылысь радъяське.
Бадӟым Качаке куноос люкаськозы
Вуоно пятницае Бадӟым Качак гуртысь культура юртлэн залаз Башкортостан Республикаысь но Пермь шаерысь коллективъёс но кырӟась-эктӥсьёс асьсэлэсь устолыксэс возьматозы. Озьыен, вуоно ӝытэз Бурай ёросысь Алтауысь но Мамадыысь, Калтасы ёросысь Туганеевоысь, Вылысь Тыхтемысь, Чиндэрысь но Бадӟым Качакысь, Татышлы ёросысь Выль Татышлыысь, Калмиярысь но Улысь Балтачысь, Янаул ёросысь Андреевкаысь, Вуж Варяшысь но Каймашабашысь, Пермь шаерысь Гожанысь ансамбльёс шулдыртозы.
