Удмуртъёс огинэ люкаськизы

26-тӥ январе Татышлы ёросысь Выль Татышлые интыяськем удмуртъёслэн историяя но культурая центразы республикаысьтымы но Пермь шаерысь куноос вуизы. Ӵошен пумиськыса та нуналэз шулдыр ортчытон вылысь ИКЦ-лэн азьветлӥсьёсыз Ханиф Баймиев, Анна Байдуллина, Замира Вотинцева, Ранус Садиков, Эльвира но Феликс Васиуллинъёс огинэ люкаськизы.

Пумиськонзы капчи мылкыдо но пайдаё пӧрмиз. Ужрадэ вуэм куноос Ранус Садиковлэн выль книгаеныз тодматскизы. Та пумысен асьсэлэсь мылкыдъёссэс но малпанъёссэс шараязы. Со сяна, та нуналэ удмуртъёслэн историяя но культурая центрзы узырмиз: Пермь шаерысь вуэм куноос Эльвира но Феликс Васиуллинъёс татчы черсон станок ваизы. Феликс Васиуллинлэн киосыз котьмалы усто. Солэн зарни киосыныз лэсьтэм черсон станок ИКЦ-ын аслэсьтыз интызэ одно ик шедьтоз.

Вераны кулэ, вуоно вакытэ ИКЦ-лэн «Тунсыко удмуртъёс» проектэз нош ик ужзэ азинтоз. Проект улсын центрлэн ӧнерчиосыз калыкез данъяськымон  удмурт адямиосын тодматозы. Кылсярысь, малпам ужлэн геройёсызлы Феликс Васиуллин тунсыко сувенир но малпам. Озьыен, проектэ вуэмъёс аспӧртэм кузьымтэк уз кошке.

Фото: Удмуртский историко-культурный центр