+28 °С
Облачно
Общество
26 Января 2024, 04:50
Шаерез утисен пыраклы келяськизы
Ӝож ивор вуиз Янаул ёросысь Шудек гуртэ. Нимысьтыз военной операциын 46 аресаз бырыны шедиз старший лейтенант Владислав Асхатов. Сое берпуметӥ сюресаз келязы 25-тӥ толшоре.
Шаерез утисен пыраклы келяськизы
- Асьмелэн улосчимы Ижевскысь гурт хозяйствоя академиын дышетскиз. Солэн вылӥ тодон-валан басьтэмез сярысь кык дипломез. Владислав Леонидович пӧртэм интыосын ужаз, кивалтон удысын но тыршиз, - гожтэ Вконтакте вотэс бамаз Янаул ёрос администрациен кивалтӥсь Салават Гильмиев. – 2023-тӥ арын со военно-учебной сборъёсын луиз. Россиысь Обороноя министерствоен контракт гожтыса, 16-тӥ инвожое нимысьтыз военной операцие кошкиз. Туэ 9-тӥ толшоре улосчимылэн улонэз чигиськиз. Владислав Леонидовичлэн кузпалызлы, кык нылпиосызлы, матысьёсызлы мур куректэмме верасько но секыт кайгуэнызы люкиськисько.
Владислав Асхатов кулэмез бере Мужествоя орденэн пусъемын.
«Ошмес» газетлэн редакциез Владислав Леонидовичлэн матысьёсызлэн секыт кайгуэнызы люкиське, мур куректэмзэ вера.
