Шаерамы "Жена Героя. Мама Героя" проект азинтӥське

Нимысьтыз военной операцие пыриськисьёслэн анайёсынызы, кузпалъёсынызы пумиськон «Танып-Су» арт-галереяын ортчиз. Отчы ёрос администрациен кивалтӥсьлэн нырысетӥ воштӥсез Гемир Нуртдинов но пыриськиз. Со шаермес утисьёслэн матысьёссылы тазалык, чидан, кужым, сабырлык сӥзиз.

Проект улсын туспуктэмъёс лэсьтӥзы. Та ужез быгатыса быдэсъяз профессионпльной туспуктӥсь, ёрос администрациысь информационно-аналитической ёзэтлэн валтӥсь ӧнерчиез Лилия Нурова.

Проектэ пыриськисьёсын визажистъёс, парикмахеръёс но ужазы. Соос пӧлын луиз парикмахер Галина Валиахметова но. Со Балтач ёросысь Асавкаын вордӥськыса будэмын, туннэ нуналэ Бурайын улэ. Вераны кулэ, Галина благотворительной ужрадъёсы ӵем пыриське. Кылсярысь, Выль арын со Вылысь Карыш гуртысь приютэ нылпиос доры вуылӥз, соосты ческыт кузьымъёсын шумпоттӥз. Кӧня ке нунал ортчыса, Галина приютысь нылпиос доры выльысь вуэм. Ӵош ужам эшеныз нылпиослы причёскаос лэсьтӥллям.

Фото: Бураевский район Республики Башкортостан