Нылпиос «Моё национальное блюдо» флешмобе пыриськизы

Туэ со 25-тӥ толшоре тупаз. Ужрад республикаын улӥсь калыкъёслэсь пӧръёссэс возьматон вылысь радъяське. Отчы пыриськон понна  нылпиос анай-атайёсынызы пыжисько- пӧрало но видеое уськытыса, вотэс баме интыяло. Флешмобе Татышлы ёросысь Выль Татышлы школаын дышетскисьёс но арлы быдэ пырисько. Туэ отчы витетӥ классын дышетскись нылпиос пыриськыны мылкыд каризы. Быдэс классэн соос кыстыбей пӧразы. Ӵошен ыльнянь дасязы, сое погыльтӥзы но пыжизы. Школа тыр ческыт зын лӧсъяськиз. «Кылем арын 8-тӥ классын дышетскисьёсын ми вак беляш пыжимы, - вера директорлэн визьноданъя воштӥсез Альбина Гарифуллина. – Нылпиослы ӵошен ужаны кельше. Соин та ужрадэ арлы быдэ пыриськиськом».

Туспуктэмез Алексей Самирзяновлэн.