Нылпиос "Дырды" ошмесэ вуылӥзы

2016-тӥ арын «Единая Россия» партиялэн «Реальные дела» проектэзъя Калтасы ёросысь Бадӟым Качак гуртысь  ошмесэз  выльдӥзы.  Ӝужыт яр улэ интыськем вуэз пичияк корка пушкы каризы, яртӥ васькыны тубат тупатӥзы. Табере «Дырды» ошмесэ калык шумпотыса вулы ветлэ. Тол куазе но татчы сюрес уг ышы. Гурт калык котырзэ тазатэ, уте.

Нош туннэ, 25-тӥ январе, Бадӟым Качак шор ёзо школаысь куатетӥ классын дышетскись нылпиос  ошмес доры экскурсиен вуылӥзы. Классэн кивалтӥсьсы Р.А. Тимиршина пиналъёсты котыр инкуазен но ошмесэн тодматӥз. Угось мукет гуртысь нылпиослэн «Дырды» доры вуылэмзы но вылымтэ на.  Со сяна, нылпиос ошмеслэсь котырзэ лымылэсь но йӧлэсь утялтӥзы. Рита Александровна нылпиослы валэктӥз инкуазьлы но адямилы вулэсь кулэлыксэ. Озьы ик школаын дышетскисьёс валазы:  чылкыт вутэк дунне вылын улыны секыт, нош вулэн чылкытлыкез адямиен герӟаськемын.