+22 °С
Зоръёслэн
Общество
24 январь 2024, 17:09
Бадӟым Качакын благотворительной концерт ортчоз
Башкортостан Республикаысь удмуртъёслэн НКЦ-зылэн кичӧлтэмезъя, кылем арысь октябрь толэзьысен Татышлы но Янаул ёросъёсысь удмурт гуртъёсын благотворительной концертъёс радъяськизы. Ужрадын поттэм коньдонэн СВО-е кошкемъёслы юрттэт возьматӥське.
Бадӟым Качакын благотворительной концерт ортчоз
Февральлэн кутсконаз та выллем ужрадэз Калтасы ёросысь Бадӟым Качак гуртын ортчытыны чакламын. Туннэ БР-ысь удмуртъёслэн НКЦ-зылэн Калтасы ёросысь филиалэныз кивалтӥсь Г.Д. Хайдаршин ужрадэз радъян пумысен гурт поселениысь культура удысын, нылпи садын, школаын ужасьёсты кенешонэ люказ, концертэз ортчытон вылысь оргкомитет кылдытыны ӵектӥз. Ӵошен вераськыса, благотворительной ужрадэз 2-тӥ феврале ортчытыны малпазы.
Озьыен, 2-тӥ феврале Бадӟым Качак гуртысь культура юртын Башкортостан Республикаысь Бурай, Калтасы, Татышлы, Янаул ёросъёсысь но Пермь шаерысь коллективъёс но кырӟась-эктӥсьёс шулдыртозы.
