Ӟырт кезьыт тол нуналъёс, сютэмлык адямиослэсь улонзэс чигизы

Асьме войскоослэн Лениградэз мозмытонлы сӥзем военной операцизы «Январский гром» нимаськиз. Блокада 872 нунал кыстӥськиз. Адямиос сыӵе курадӟонлы дась ӧй вал. Служащейёслы но нылпиослы (20-тӥ шуркынмон – 25- тӥ толсур толэзьёсы) суткаяз 25 грамм нянь сёто вылэм, ужасьёслы, тылпуэн нюръяськисьёслэн но ремеслоосъя училищелэн командаязы лыдъяськисьёслы – 300 грамм. Ӟырт кезьыт тол нуналъёс, сютэмлык Ленинградын улӥсь олокӧня сюрс адямиослэсь улонзэс чигизы.

Кышкыт ож йылпумъяське ке но, со сярысь малпанъёс, тодэ ваёнъёс адямиослэн сюлэмъёсазы уло. Кызьы вунэтод ож лудэ бырем матысьёслэсь нимъёссэс? Яраос аръёс ортчыса но уг бурмо.

Лениградэз фашистлэн ки улысьтыз мозмытон нуналлы сӥзьыса,школаосын библиотекаосын, музейёсын но пӧртэм дышетон юртъёсын ужрадъёс ортчо. Соос нылпиослы вордскем музъемез гажан, сое утён, шаер понна кышкытлыкъёслы пумит султон мылкыд пыӵато. 

Татышлы ёросысь Улысь Балтач школалэн Кызыл-Ярысь филиалаз «Блокадной вечности страницы» ужрад ортчиз. Со устной журнал выллем радъяськиз. Ужрадын разведчикез, Ленинград фронтэ пыриськем Гарифан Ахматшинович Ахматшинэз одӥг минут чус сылыса буре ваизы.

Фото: МБОУ СОШ с. Нижнебалтачево