Кынмем тылобурдо адямилэсь юрттэт куре

Кезьыт тол куазьёсы бурдоослы капчи уг лыкты. Мискинь сямен соос йӧен кынмем вайёсысен, синъёсынызы сюлворыса, адямилэсь юрттэт возьмало. Кынмись тылобурдолэсь куректонзэ ненег сюлэмо адямии гинэ валалоз.

Калтасы ёросысь Вылысь Тыхтем гуртысь культура юрт вӧзын веськрес кыз будэ. Бышкась веньёсызлэсь кышкаса яке котырын ветлӥсьёслэсь палэнтӥськыса, тылобурдоос лысо писпулэсь вайёссэ туж ик уг ярато. Нош кема ӧвӧл культура юртын ужасьёс кызлэн вайысьтыз кучыранэз синйылтӥзы. Шӧдӥське, тылобурдо юн кынмемын, адямиослэсь но чик уг кышка. Кожалод, бурдо «куное» пыртэмез возьма. Зэмзэ но, кынмем комок ачиз киязы лыктэм. Культура юртын ужасьёс сое шуныт азе кариллям. Ӝоген тылобурдо «улӟем». Нош юрттӥсьёслэн соин ӵош сюлэмзы шунам, небӟем.

Фото: Верхнетыхтемский СДК