Алтауын Максим Прокопьевез тодазы ваизы

17-тӥ январе Алтауысь библиотекарь М.Г. Гафутдинова гуртооссэ Максим Прокопьевич Проковьевлэн творчествоеныз но улон сюресэныз тодматӥз.

Максим Прокопьевез Алтауысь калык туж умой тодэ. Со угось 1912-тӥ арын гуртазы нырысьсэ школа усьтӥз. Со вакытэ дышетскон юртын 60 нылпиос тодон-валан басьтӥзы, соос пӧлысь 12-ез вӧзысьтызы Ваныш-Алпаутово гуртысь  пиналъёс луизы. Максим Прокопьев ачиз но кык ар ӵоже та школаын дышетӥз.

Алтау гуртын вордскем но быдэ вуэм тодмо удмурт гожъясьлэн У.Ш. Бадретдиновлэн  «Завтра начинается – сегодня» романэзлэн одӥгез геройез но Максим Прокопьев луэ.

Фото: Алтаевская сельская библиотека