Янаул ёросысь удмуртъёс кенешизы

Кылем арын быдэстэм ужъёсынызы Башкортостанысь удмуртъёслэн национально-культурной центрзылэн Янаул ёросысь филиалэныз кивалтӥсь Юрис Саитов тодматӥз. Пумиськонын туэ ортчоно ужрадъёс сярысь но вераськизы. «Ар ӵоже трос ужрадъёс ортчытыны чакламын. Вӧй келян но луоз, Быдӟымналэз но ортчытомы, - вера Юрис Саитович. – Котькуд удмурт гурт огазеяськонлэсь ужзэ мед шӧдоз шуыса тыршомы».

Кенешонэ  Янаул ёрос администрациен кивалтӥсь Салават Гильмиев, солэн социальной ужпумъёсъя воштӥсез Гаухар Миндиярова, Культурая управлениысь валтӥсь ӧнерчи Зульфия Музафарова, Янаул ёрос библиотекаен кивалтӥсь Гульнара Валеева пыриськизы. Кенешон бере соос удмуртъёслы сӥзем сэреген тодматскизы.  Пыр-почгес лыдӟе газетмылэн вуоно номерысьтыз.