Улысь Балтаче Алтауысь куноос вуылӥзы

Со улсын гуртын трос пӧртэм ужрадъёс ортчыло. Нош 19-тӥ январе гуртын улӥсьёс - "Трезвое село" конкурсэ дасяськонъя комитетлэн ёзичиосыз но "Инвожо" калык ансамбль - Татышлы ёросысь Улысь Балтаче вуылӥзы. Татын куноосты школаын пумитазы. Соосты дышетон юртэн тодматэмзы бере, республика конкурсэ пыриськон сярысь вераськон радъяськиз. 2022-тӥ арын Улысь Балтач отын нырысетӥ инты басьтӥз угось. Улысь Балтач гурт поселенилэн администрациеныз кивалтӥсь Э. Б. Рахимзянов куноослы ортчытэм ужрадъёссы сярысь пыр-поч вераз, кенешен юрттӥз но соослы бадӟым конкурсын вормисьёс пӧлын луыны сӥзиз. Нош Башкортостанысь удмуртъёслэн национально-культурной центренызы кивалтӥсь, Улысь Балтач школалэн директорез Л. Л. Зидымаков вераз, конкурсын вормон понна валче ужано шуыса.