Москваын бадӟым форум ортчиз

Форум Россиысь 89 регионъёсысь 7,5 сюрслэсь трос муниципалитетъёсын кивалтӥсьёсты  огинэ люказ. Вераны кулэ, со Россия Федерацилэн Президентэзлэн Владимир Путинлэн косэмезъя радъяськиз. «Форумын министерствоосын но ведомствоосын кивалтӥсьёсын, валтӥсь экспертъёсын пумиськонъёс, котырес ӝӧк сьӧрын вераськонъёс радъяськизы. Пӧртэм калыкъёслэн кусыпъёссы, вордскем шаерез гажан, егитъёслы семья дунлыкез валэктон сярысь вераськимы», - вотэс бамаз гожтэ Татышлы ёрос администрациен кивалтӥсь Фанур Шайхисламов. Форуме Татышлы ёросысь пӧртэм гурт поселениослэн администрациосынызы кивалтӥсьёс пыриськизы. Соос пӧлын луизы Вылысь Татышлы но Улысь Балтач гурт поселениослэн администрациосынызы кивалтӥсьёс В. А. Марданов но Э. Б. Рахимзянов.