Бадӟым Гондырын куноосты люказы

17-тӥ январе Бадӟым Гондыр культура юртын тужгес но кулэ ужрад ортчиз. Та нуналэ инвалидъёс «Новогодние посиделки» ужрадэ люкаськизы. Лыктэм куноос ёлка котырын бергазы, пӧртэм шудонъёсын но конкурсъёсын кужымзэс мерттазы. Со сяна, культура  удысын тыршисьёс ужрадэ люкаськемъёслы «Новогодняя викторина» ортчытӥзы, азьвыл аръёсысь крезьгуръёсты тодманы ӵектӥзы, пичияк концерт но возьматӥзы.

Ужрад тунсыко но шулдыр ортчиз. Нош берло, ваньзы ӵош люкаськыса, ческыт пыжиськемъёсын чай юизы.

Фото: Большегондырский дом культуры