Алтауос вакытсэс пайдаен ортчыто

13-тӥ январе Алтау гуртысь клубе трос калык люкаськиз. Кин ке та вакытэ Вуж выль арез пусйиз, дыр, нош алтауос ӝытсэс пайдаен но шулдыр мылкыдэн ортчытӥзы. Гуртын улӥсьёс «Вуж гынсапеглы выль улон» мастер-классэ пыриськизы.

Та нуналэ алтауослэн вужмем гынсапегъёссы выльмизы, эшшо но шунытгес луизы. Угось кышъям гынсапег трослы юнгес луэ. Со сяна, вераны кулэ: Алтау гуртын гынсапегез выльдыны гинэ ӧвӧл, лёгыны но быгатӥсьёс вань на. Усточиос асьсэлэсь быгатэмлыксэс егитъёслы но сётыны  тыршо.

Ужрадэ «Инвожо» калык ансамбль но пыриськиз. Соосын ӵош вань люкаськемъёс удмурт кырӟанъёсын но эктонъёсын шулдыръяськизы. Воргоронъёс лодӥгаен но шудӥзы.

Мастер-класс ческыт пыжиськемъёсын чай юонэн йылпумъяськиз.

Фото: Алтаевский сельский клуб