Тау карон кылэз вераны возьдаськоно ӧвӧл

Та выллем праздник календарьын гордэн пусъемын ӧвӧл ке но, калыкын сое мылысь-кыдысь ортчыто. Угось мар луоз умойгес ӟеч кыллэсь. Огшоры уг шуо, дыр: ӟеч кыл висисез но пыд йылаз султытэ, урод сюлэмез но шунтэ. Нош тыныд тау шуыса вазисько ке, соку мылкыд воксё лӧптэ.

Тау карон кыллы сӥзем нуналэз кин малпам меда? Сое нокин но уг тоды. Озьы ке но, ваньзы умой валало: та нуналэ одно ик ог-огедлы тау карыса шуныт кылъёстэ верано.

Бурай ёросысь Мамады гуртысь клубын но та нуналэз пусйытэк ӧз кельтэ. Татысь культорганизатор Л.В. Атнафикова но Азяк гуртысь библиотекарь А.Г. Минлиева нылпиослы тау карон кыллы сӥзем нуналлэн историез сярысь веразы. Со сяна, пиналъёс пӧртэм конкурсъёсын но викторинаосын кужымзэс мерттазы.

Та нуналэ нылпиос ог-огзылы трос ӟеч кылъёс веразы. Азьпалан но котьку ик тау карон кылэз возьдаськытэк вераны кыл сётӥзы.

Фото: Мамадинский СК