Уфаын анай кылъёсъя но литературая олимпиада йылпумъяськиз

Отчы бигер, пор, чуваш, удмурт но мордва кылъёсты дышетӥсь пиналъёс пыриськизы. Удмурт кылъя но литературая олимпиадаын Бурай, Кушнаренко, Татышлы, Янаул ёросъёсысь 20 дышетскисьёс тодон-валанзэс возьматӥзы. Дас одӥгетӥ классын дышетскисьёс пӧлын вормисе потӥз Татышлы ёросысь Улысь Балтач школаысь Диана Габокова (дышетӥсез Ю. Ш. Кайранова), 10-тӥ классъёс пӧлын – Кальтяево школаысь Ксения Рахматуллина (дышетӥсез Л. А. Хазипова), 9-тӥ классъёс пӧлын – Выль Татышлы школаысь Анастасия Хатипова (дышетӥсез З. П. Зайнуллина). Олимпиада сярысь пыр-почгес лыдӟыны быгатоды газетмылэн вуоно номерысьтыз.