Гурт калык валтӥсь ужпумзэ шара вераз

Мылкыдыд ке луиз, калыкен огкылысь ужаны ке быгатӥд, вормонтэм ужпум ӧвӧл. Бадряш гурт поселениын но сое ӟеч валало. Соин туэ но валтӥсь ужпумзэс ППМИ быдэстыны юрттоз щуыса малпало. Татышлы ёросысь Бадряш гурт поселениын улӥсьёс но солэсь  палэнэ уг кылё. Туэ но чебересь малпанъёсмес со улсын быдэстыны малпаськом. Со понна предварительной собрание ортчытӥмы. Отын калык огкылэ вуиз: одно ик Бадряшысь шай кенерез тупатоно. Гуртын улӥсьёс понна та ужпум зэмзэ ик одӥгез валтӥсез луэ. Со ӵыжы-выжыосынымы данъяськеммес, соосты буре ваеммес возьматэ.

Та нуналъёсы гурт калыкен пумиськонъёс, анкетаос гожъян, ужрадъёс ортчытон бордын тыршиськом. Гурт поселенилэн администрациеныз кивалтӥсь Ильшат Шайнуровлэн кылъёсызъя, малпанъёсты быдэстон понна калыклы огкылысь луыны тыршоно, валче ужаны дышетсконо.

Лилия САФУТДИНОВА,

Бадряшысь библиотекарь, инициативной группалэн ёзчиез.