Арлы йылпумъян лэсьтыса

Отын соос ортчем арлы йылпумъян лэсьтӥзы, таяз арын лэсьтоно ужъёс пумысен вераськизы, сюлмаськытӥсь ужпумъёссэс ӝутӥзы.

Кузбай гурт поселенилэн администрациеныз кивалтӥсь Ф. Б. Закиров пусйиз, ар ӵоже трос ужъёс быдэстэмын шуыса. Гурт поселениысь Ветеранъёслэн кенешенызы кивалтӥсь В. С. Марданов «Трезвое село» республика конкурс улсын быдэстоно ужпумъёс сярысь вераз, гурт калыклы тау кылъёс вераз.

Кенешонын малоимущей семьяослы, тазалыксы лям луэм адямиослы юрттэт возьматон пумысен но вераськизы. Пумиськонэ лыктэм котькуд адями аслэсьтыз малпанъёссэ, ӵектонъёссэ шараяны быгатӥз.  

Собраниын Алтауысь фельдшерлы А. Ф. Фаизовалы но кыл сётӥзы. Со «Курение и заболевание лёгких» темая вераськиз.

 Клубын но библиотекаын ужасьёс И. Б. Шарафутдинова но М. Г. Гафутдинова нылпиослы шудонъёс ортчытӥзы.

Фото: Кузбаевский сельсовет Бураевского района