Башкортостанысь удмурт пиналъёс Ижевске вуылӥзы

Пиналъёс нырысь Кузебай Герд нимо йӧскалык музеен тодматскизы. Татын соосты шуныт пумитазы музейын ужасьёс Евгений Бадртдинов но Светлана Дунаева, музеен кивалтӥсь Александр Волков». Нош бӧрысь пиналъёсты сюрессы цирке вуттӥз. Соос Карина но Артур Багдасаровъёслэсь «Тигры-шоу» программзэс учкизы. Удмуртъёслэн историяя но культурая центрзылы Башкортостанысь пиналъёслы Выль аре аспӧртэм кузьым лэсьтыны УР-ысь культурая министр В. М. Соловьёв  юрттӥз.