Егитъёс шахматэн шудӥзы

Туала егитъёс трос вакытсэс пӧртэм гаджетъёс сьӧрын ортчытыны ярато. Соин сэрен эшъёсын вераськон-пумиськонъёсты но телефон воштэ.

Вылысь Тыхтем гуртысь культура юртын ужасьёс таӵе югдурез ӟеч валало но егитъёсын пӧртэм тунсыко ужрадъёс ортчытъяны тыршо.

 Кылсярысь, та нуналъёсы культура юртын шахматэн но шашкиен шудонъя турнир радъяськиз. Ужрадэ гуртысь егитъёс мылысь-кыдысь пыриськизы. Шудонъёс бер ӝытозь кыстӥськизы ке но, нокин но дораз бертон сярысь ӧз малпаськы.

Турнирын вормисьёсты шедьтыны ӧз луы. Ужрадэ пыриськисьёс чик сётӥськытэк шудӥзы. Озьыен, ӵошатсконын эшъяськон мылкыд кузёяськиз, со ик вормисе потӥз.

Фото: Верхнетыхтемский СДК