Алтауын суредаськонъя конкурс ортчиз

Культура удысын тыршисьёслы Выль ар праздникъёсын гань-гань шутэтскыны вакыт уг шедьы. Алтау гуртысь клубын но библиотекаын ужасьёс котькуд нунал сямен нылпиослы но гурт калыклы пӧртэм ужрадъёс ортчытъяло.

Кылсярысь, та нуналъёсы Алтауысь нылпиос суредаськонъя конкурсэ пыриськизы. Пиналъёс асьсэлэсь малпанъёссэс акварель краскаен кагаз вылэ пыӵатӥзы. Со сяна, пичильтокъёс выжыкыл выллем тол пейзаж, уйин гинэ потӥсь кизилиос но яркыт пиштӥсь толэзь сярысь трос выльзэ тодӥзы.

Озьыен, нылпиос суредаськизы, трос выльзэ но тунсыкозэ тодӥзы, вакытсэс пайдаен ортчытӥзы.

Фото: Алтаевская библиотека