Нанядыын шулдыр ӝыт ортчиз

Выль ар праздникъёсы телевизор азьын пукыны акыльтэ. Сюлэм  эшъёсын шулдыръяськонэз куре. Таӵе вакытъёсы  гурт калык клубе дырттэ. Культура удысын тыршисьёс калык понна котькуд нунал сямен пӧртэм ужрадъёс ортчытъяло.

Наняды гуртысь клубын но та нуналъёсы шыпыт ӧвӧл. Татысь культорганизатор Лилия Гарифуллина калык понна тунсыко шудонъёс, пумиськонъёс, ужрадъёс ортчытъя. «Новогодние посиделки» ужрадэ но быдэс гурт люкаськиз шуыны луоз. Пумиськонзы аспӧртэм праздниклы пӧрмиз. Ӝытсы тунсыко шудонъёсын, шулдыр кырӟан-эктонъёсын ортчиз. Мылкыд карисьёс Тол Бабайлы кылбур но веразы. Нош ужрадэз йылпумъяса, пумиськонэ люкаськемъёс ческыт пӧрам-пӧзьтэмъёсын чай юизы.

Фото: Лилия Гарифуллина