Уфаын Самоваръёслэн праздниксы ортчиз

Куноос шулдыръяськизы, нискылазы, мешокен нюръяськизы, ческыт чай веръязы. Та нуналэ ик Самоварлэн праздникез ортчиз. Отчы республикамылэн пӧртэм городъёсаз но ёросъёсаз, Россилэн пӧртэм сэрегъёсаз улӥсьёс самоваръёсынызы вуизы. Огъя 35 команда люкаськиз, соос сьӧразы 380 самовар ваизы. Куноос удмуртъёслэсь но ческыт чайзэс веръяны быгатӥзы. Сое Татышлы ёросысь Калмияр гурт поселениысь вуттӥзы.

 Самоварлэн праздниказ вормисез 150 сюрс манет коньдонэн данъязы. Сое Оренбургысь Черниковъёслэн семьязы басьтӥз. Данил Черниковлэн самоваръёслэн музеенызы кивалтэ, магазинэз вань. Ужрадэ соос 200 ар таэсь азьвыл поттэм самоварзэс ваиллям. Кыкетӥ но куинетӥ интыосы потӥсьёсты - Аскино ёросысь командаез но Нефтекамскысь Рамзия Камаловаез - 100 но 50 сюрс манет коньдонэн шумпоттӥзы. Со сяна, «Всероссийский самовар», «Самое креативное чаепитие», «Самый эффектный самовар», «Самый вкусный чай», «Самый старинный самовар», «Самый лучший этнический самовар» номинациосын вормисьёсты шараязы.