Та нуналъёсы Янаулын Тол Бабайлэн но Лымы Ныллэн резиденциез усьтӥськиз

Тол Бабайлэсь но Лымы Ныллэсь резиденцизэ усьтон нуналэ, люкаськем калыкез вуоно Выль ар праздникъёсын ӟечкыласа, Янаул ёрос администрациен кивалтӥсь Салават Гильмиев вераськиз. Солэн кылъёсызъя, Янаулын тужгес но чебер инты кылдӥз. Табере ёросын улӥсьёс но палэнысь кунооос семьяосынызы тытын шутэтскыны быгатозы.

Та нуналэ ужрадэ люкаськемъёс зэмос выжыкыл дуннее выжизы.  Нылпиос гинэ ӧвӧл, анай-атайёс но Тол Бабайен вераськыны, солы лушкем малпанзэс оскыны мылкыд каризы. Угось Выль аре ӟеч малпанъёс одно ик быдэсмо!

Тол Бабайен но Лымы Нылэн пумиськон шулдыр кырӟан-эктонъёсын но маскара кылбуръёсын йылпумъяськиз. Озьыен, ужрадысь  нокин но мӧзмыт мылкыдэн дораз ӧз берытскы.

Фото: Рустам Сангов